​Үнэнч харилцагчдын карт буюу лоялти карт

  • 2014 / 05 / 21

Эмэгтэй хүн бүрийн бараг л байнгын ажлын нэг хэсэг болсон хүнсний зүйлээ цуглуулан дэлгүүрээр явах, өөртөө, хүүхэддээ, нөхөртөө хувцаснаас эхлээд янз бүрийн л юм авахаар дэлгүүр хэсэх нь сүүлдээ тэдний дуртай зүйлийн нэг болсон юм шиг. Дэлгүүрээр явж юм авахад их бага гэлтгүй л мөнгө үрэгддэг. Тэгвэл мөнгө үрэнгээ бас үрсэнийхээ хэрээр багахан хэсгийг нь ч гэсэн буцаагаад авах боломж байна шүү. Яаж вэ гэж үү?
        Танд төлбөрийн карт байгаа л биздээ, заримдаа бэлэн мөнгөтэй явахгүй гээд дэлгүүрт, хоолны газар, гоо сайхны салонд карт уншуулж бэлэн бус гүйлгээ хийж байдаг. Тэгвэл таны ордог, үйлчлүүлдэг ихэнх газруудад төлбөрөө картаар төлсөнийхөө хариуд ямар ч шимтгэл төлөхгүй харин ч нэмэлт урамшуулал авах боломж бий.
        Мэдээж хүн бүр ямар ч хамаагүй картаа уншуулаад л урамшуулал, хөнгөлөлт авна гэж байхгүй шүү дээ. Энэ боломжийг ашиглахын тулд та “Үнэнч харилцагчдын карт буюу лоялти карт”-тай байх хэрэгтэй юм. Манай улсад анх Худалдаа Хөгжлийн банк энэ төрлийн үйлчилгээг санаачилж хэрэгжүүлж байжээ.
       Банк худалдаа, үйлчилгээний байгууллагуудтай хамтран лояалти карт гаргадаг байна. Үйлчлүүлэгч хүсвэл хөнгөлөлтийн картыг тодорхой хэмжээний мөнгөөр худалдан авч хөнгөлөлтийн картаар үйлчилдэг газруудад үйлчлүүлээд төлөх ёстой төлбөрөөсөө хөнгөлөлт, урамшуулал авах боломжтой юм байна. Картыг авахад ямар төрлийн карт гэдгээс хамаарч ойролцоогоор 2,500-25,000 төгрөгний үнэтэй.
Лоялти карт бусад төрлийн төлбөрийн картнаас ямар ялгаатай вэ?
- лоялти картаа уншуулаад ямар ч шимтгэл төлөхгүй, эсрэгээрээ 3-10%-ийн хөнгөлөлт эдэлнэ
- картны үлдэгдэлд нь жилийн 3,6%-ийн хүү бодогдоно
        Та ХХБанкны Lady loyalty карттай бол Emmy, Grand spa-аар үйлчлүүлээд 2-3%-ийн хөнгөлөлт авч, “Говь”, “Алтай Кашмер”, “Чансаа”, “Adidas” зэрэг чанартай бараа бүтээгдэхүүн зардаг дэлгүүрүүдээр мөн адил 3-5%-ийн хөнгөлөлттэй үйлчлүүлж зардлаа хэмнэж сэтгэл ханамжийн баталгааг өөртөө бий болгох боломж байна.
Банкуудад ямар төрлийн лоялти карт, үйлчилгээ байгааг дараах линкүүдээр орж сонирхож болно.
http://tdbm.mn/index.php?con=view&id=384

https://www.khanbank.com/mn/779
http://golomtbank.com/mn/425

Карттай холбоотой нийтлэлийг уншихийг хүсвэл:  Зээлийн карт, пин кодоо мартах дарж уншина уу.


Санхүүгийн боловсролд

Асуулт, хариулт

Сайн байна уу Миний цалин 750.000 төгрөг төрийн албан хаагч 8дахь жилдээ тасралтгүй ажиллаж байгаа зээлийн үлдэгдэлгүй тохиолдолд 15сая төгрөг гарах болов уу?

Цалингийн зээл бол хүрэхгүй юм байна. 7-8 сая, түүнээс бага байх магадлалтай

Сайн байна уу Хасбанкнаас цалингийн зээл авсан юмаа 10 сард 1удаа зээлээ 7хоног хэтрүүлсэн юмаа ингэхээр дахиад зээл авч болох болов уу?

Болно

Сайн бн уу би цалингийн 9 сая гаран төгрөгний зээлтэй юм л даа 3 өрөө байраа барьцаанд тавьад зээл нэмж авч болох болов уу 20 сая төгрөгний зээл авч болох болов уу төрийн албан хаагч юм л даа

Барьцаанаас биш орлогын хэмжээнээс хамаарч зээлийн хэмжээ тогтох тул нэмж авах зээл тийм их нэмэгдэхгүй болуу. Цалингийн хэмжээг мэдэхгүй тул яг тодорхой тоо хэлэх боломжгүй байна

Хэрэглээний зээл