Шүүж үзэх:
munguu 1 umuu 2 jiliin hugatsand banknii hadgalamjaas uuruur usguh yamar bolomj bdag ve unet tsaasnii kompaniar huvitsaa hudaldaj avbal yah bol ene talaar zuvluguu uguuch

Бонд авах, хувьцаа авах боломжууд байна. Энэ талаар өөрөө мэдлэг туршлага муу, зөвлөх хүн байхгүй бол хэцүү. Сайн мэдлэг мэдээлэлтэй болж байж хувьцаа бонд авсан нь дээр.

Сайн байна уу? 1 жилийн хугацаатай хадгаламж нээлгэх бодолтой байгаа юм. Хадгаламжинд хийх мөнгө маань еврогоор байгаа. Еврогоор хадгалсан нь дээр үү? Төгрөгт шилжүүлж хадгалсан нь дээр үү. 30.000 орчим

Валютын ханш ирэх 1 жилийн хугацаанд яаж өсөх вэ гэдэг таамаглалаас хамаарна. Ханш харьцангуй тогтвортой байхаар бол төгрөгөөр, еврогийн ханш их өсөхөөр бол еврогоор хадгалсан дээр.

САйн байна уу? Хугацаатай хадгаламжиндаа 100 саяыг зөвхөн нэг банкинд хадгалах нь зөвүү эсвэл 20 саяын даатгалаа бодоод өөр өөр банкинд байршуулсан нь эрсдэл багатай юм боловуу ?

Нэг талаас 20, 20 саяар нь хуваан хадгалуулахад эрсдэлгүй. Эсвэл та Монголбанкны шалгуур үзүүлэлтүүдийг хангаж буй, олгосон зээлүүд нь хэвийн төлөгддөг, актив хөрөнгө ихтэй банкуудад бүтнээр нь хадгалуулахад мөн эрсдэл бага байна.

Сайн байна уу би банк бусаас зээл аваад эргэлзээтэй зээлдэгч гэсэн ангилалтай болчихсон юмаа зээлээ бүрэн хаасан одоо яаж арилгах вэ

Зээл хаагдсан бол боломжгүй дээ. Зээл олгосон банк бусдаа хандаад үзэх хэрэгтэй

Онлайнаар нээсэн хадгаламжийн хугацаагаа хэрхэн сунгах вэ

Анх данс нээхэд автоматаар сунгах уу гэсэн сонголт байгаа, энэ сонголтоо сонгоогүй бол автоматаар сунгагдах тохиргоо хийгддэг. Илүү тодорхой мэдээлэл шаардлагатай бол банкны нэгж дээр очиж шалгуулна

Сайн байна уу! 1. Энэ сайт дээр байгаа хадгаламжийн хүүгийн мэдээлэл нь яг тухайн өдрийнхөө банкны шинэ мэдээллийг харуулж байгаа гэж ойлгох уу, эсвэл тухайн банкинд очиж бодит мэдээлэл авсан дээр үү? 2. Хадгаламжийг 6 эсвэл 12 сараар нээсэн тохиолдолд хадгаламжийн хугацааг дуусахаас нь өмнө мөнгөө авч чадаагүй байлаа гэхэд хэдэн удаа автоматаар өмнөх хугацаагаар сунгагдах вэ? 3. Онлайн банкаар өөрийн хадгаламжийн дансаа алсаас удирдах боломжтой байдаг уу?

1.Банкинд очих шаардлагагүй мэдээллээ байнга шинэчлэдэг. 2. Анх гэрээ хийхдээ автоматаар сунгах уу гэдгээ тохирдог, хэдэн удаа ч сунгагдана. 3. Онлайнаар удирдаад явах боломжтой

Олон улсын картын захиалгыг яааж хийх вэ? Яамар орнуудад үйлчлэх вэ? танай банкны байршил? Банкны баталгаа,даатгалыг гаргаж өгөх үү?

Олон улсын картыг банкны салбарт болон интернет банкаар захиалж болно. Виза карт дэлхийн дийлэнх оронд үйлчлэх бол юнионпэй карт хятад орос болон азийн орнуудад үйлчлэнэ

Төриин банк хадгламжийн хүү хэд вэ

Төрийн банкны хадгаламжийг хүүг http://www.mongo.mn/product/2321 эндээс

Бүх банкны хадгаламжийн хүүг http://www.mongo.mn/z/1240 эндээс үзнэ үү

Сайн байна уу? Хуримтлал, энгийн хугацаатай хадгаламж, хугацаагүй хадгаламжийн давуу талыг хэлж өгөөч? Сар бүр орлого нэмдэг хадгаламжийн талаар зөвлөгөө мэдээлэл өгөөч?

Хуримтлалын хадгаламж гэж дийлэнхдээ хугацаатай хадгаламжийг нэрлээд байгаа. Хугацаатай хадгаламж нээгээд тогтмол давтамжтай орлого хийнэ гэж ойлгож болно. Хугацаатай хадгаламж - 1 сараас 24 сар хүртэл хугацаатай, хугацаагүй хадгаламжаас өндөр хүүтэй, хугацаа дуусахад мөнгөө хүүтэй нь авах боломжтой хадгаламж. Хугацаагүй хадгаламж арай бага хүүтэй хэзээ ч мөнгөө авч болно, хүү нь жилийн эцэст буюу 12.31-нд бодогдож дансанд орно. Жич: 2021 оны 6 сарын 30-г хүртэл мөрдөгдөж байгаа "КОРОНАВИРУСТ ХАЛДВАР /КОВИД-19/-ЫН ЦАР ТАХЛААС УРЬДЧИЛАН СЭРГИЙЛЭХ, ТЭМЦЭХ, НИЙГЭМ, ЭДИЙН ЗАСАГТ ҮЗҮҮЛЭХ СӨРӨГ НӨЛӨӨЛЛИЙГ БУУРУУЛАХ ТУХАЙ" хуулийн дагуу хугацаагүй хадгаламжинд 6 сарын 30 хүртэл хүү тооцохгүй байгааг давхар мэдэгдье.

dollariin hadgalamiiin talaar zuwluguu uguuch. Tugrugiin hadgalamjaas her ashigtai we

2020/08/05-ны байдлаар банкуудын дундаж хүүг судалж үзлээ. 1 жилийн хугацаатай төгрөгийн хадгаламжийн хүү дунджаар жилийн 12.86 хувь байна. Харин долларын хадгаламжийн жилийн хүү дунджаар 4.47% байна. Зөрүү нь жилийн 8.4%. Хэрэв цаашид долларын төгрөгтэй харьцах ханш жилийн хугацаанд 8.4 хувиас илүүтэй өсвөл танд долларын хадгаламж ашигтай. Үүнээс бага хувиар өсвөл танд төгрөгийн хадгаламж ашигтай. Харин долларын ханш ирэх 1 жилийн хугацаанд хэдэн хувиар өсч, буурахыг одоогоор зөвлөж, мэдээлж байгаа газар байхгүй байна. Өнгөрсөн хугацаанд ямар байсныг бид 10 жилийн дунджаар судалж үзсэн бөгөөд 5 жилд нь төгрөгийн хадгаламж илүү өгөөжтэй, 5 жилд нь долларын хадгаламж илүү өгөөжтэй байсан. Танд өгөх үүнээс илүү зөвлөгөө мэдээлэл бидэнд алга. Та бидний бэлтгэсэн "Доллар, төгрөгийн хадгаламжийн аль нь ашигтай вэ" гэдэг нийтлэлийг http://www.mongo.mn/c/218 хаягаар орж уншина уу.

52 weeks savingnii talaar. Week aldahgui togtmol orlogo hiih hadgalamj. Uuriin buruugaas bolood orlogo hiigeegui bol togtooson huun deer nemeed uramshuullaa avahgui hadgalamj. Hamgiin gol ni 52 weeks d banknii uil ajillagaa dogoldood haagdval uramshuullaa avahuu? Ene talaar gereen deer tusgagdaagui bolohoor avahgui baih magadlal undur gesen ug uu?

Сайн байна уу? Таны асуулт хадгаламжийн даатгалтай холбоотой асуулт байна. 20 сая төгрөгөөс доош дүнтэй бүх хадгаламжийг Хадгаламжийн Даатгалын Корпораци даатгасан байдаг. Хэрэв таны үйлчлүүлж буй банк 52 долоо хоногт буюу жилийн дотор үйл ажиллагаа нь доголдвол 20 сая хүртэл дүнтэй таны хадгаламж болон хүү нь даатгагдсан байгаа. Иймд таны хадгалуулсан мөнгө болон хүү нь 20 саяас бага дүнтэй бол та эрсдэлд учрахгүй, даатгалаас мөнгөө авна гэсэн үг. Хэрэв 20 саяас өндөр дүнтэй бол 20 сая хүртэлх дүнг даатгалаас нөхөн төлнө. 

Engiin hugatsaatai hadgalamj neelgeed sar bur uur uur orlogo hiij boloh uu?

Болно. Гэхдээ орлого авдаг хадгаламжийг нь нээлгээрэй.

Хадгаламжтай байх нь хэрэгтэй ч Монголын өнөөгийн нөхцөлд инфляциас болоод ашигтай байхгүй гэж санагдаж байна. Энэ талаар ?

Хадгаламжийн бодит хүү гэдэг ойлголт байдаг. Энэ нь банкуудын хадгаламжийн жилийн дундаж хүү нь жилийн инфляцийн түвшингээс хэр давж байна вэ гэдгийг харуулдаг үзүүлдэг. Өнөөгийн (2019 оны 8 сарын) байдлаар банкуудын 1 жилийн хугацаатай хадгаламжийн хүү дунджаар 13 хувь байгаа бол жилийн инфляцийн түвшин улсын хэмжээгээр 7.7 хувь, УБ хотын хувьд 9 хувь байна. Ингэхээр бодит хүү нь жилийн 4-5.3 хувийн хооронд байна гэсэн үг. Таны хадгалуулсан мөнгөний худалдан авах чадвар жилдээ ийм хэмжээгээр өсч байна гэсэн үг. 

хадгаламжийн даатгал 20 сая гэдэг нь банк болгонд 20 сая байвал даатгагдах юм уу. аль эсвэл бүх банкны системд юмуу. үүнээс дээш нь яаж даатгагдах вэ

Хариулт: Банк болгонд байгаа хүүтэйгээ нийлээд 20 сая хүртэл дүнтэй хадгаламжууд тус тусдаа даатгагдана.

2006 оны 8 сарын 1 нд хийсэн ₮59000 жилийн 20 %ийн хүүтэй хийсэн 2019 оны 8 сарын 1 гэхэд нийт хэдэн төгрөг болсон байх вэ?

Хариулт: Та банкуудын хадгаламжийн хүүг http://mongo.mn/z/1240 энэ хаягнаас дэлгэрэнгүй үзэх боломжтой. Жилийн 20 хувь гэдэг одоогоор аль ч банкинд мөрдөгдөхгүй байгаа хүү байна. Таны хүссэн жишээгээр тооцоход эхний жилийн хадгаламжийн хүү нь 11800 төгрөг болно. Дараагийн жилийнх нь энэ хүүгээ оруулж тооцвол 14160 гэх мэт өсөөд явна. Гэхдээ 2006 оноос хойш хадгаламжийн хүү ихээр буурсан байгаа. Та шууд банк дээрээ очиж тооцооллыг хийлгэж авна уу.

Сайн байна уу? 1 жилийн хугацаатай хадгаламжид мөнгө хадгалуулахад хүүг нь өдөр өдөртөө тооцдог уу? Эсвэл жилийн эцэст нийт хуримтлагдсан мөнгөнөөс хүүг нь боддог уу?

Хүүгээс хүү боддог хадгаламжууд сар бүрийн эцэст хүүгээ бодож, бодогдсон хүүгээс татвар суутгаад үлдсэн хүүг таны дансанд нэмдэг. Бусад хадгаламжууд ихэвчлэн гэрээний эцэст хүүгээ бодож байгаа. Та энэ талаар дэлгэрэнгүй мэдэхийг хүсвэл доорх хоёр нийтлэлийг уншиж танилцана уу.

http://mongo.mn/c/221

http://mongo.mn/c/128

Mongolian banknuudaas Ali bankand mongoose hadgaluulwal eresdel baga we. Bi hudaldaa hogjiliin bankand danstai tegsen chin hudaldaa hogjiliin bankni zahiral shalgagdaj bga danpuurj magd gj humuus yriad bn

Сайн байна уу?

Банкны үйл ажиллагаа хэвийн явагдаж буй эсэхийг тогтоож, олон нийтэд зарлаж байхын тулд Монгол банк "зохистой харьцааны шалгуур үзүүлэлт" хэмээх 5 үзүүлэлтээр хянаж байдаг. Эдгээр таван үзүүлэлтээс гадна тухайн банкны зээлийн чанар болон мөн нийт хөрөнгийн хэмжээгээр нь банкууд хэр тогтвортой байгааг дүгнэж болно. 2019 оны I улирлын байдлаар энэ 7 үзүүлэлтээр тус тусад байр эзлүүлээд дунджаар нь дүгнэхэд үйл ажиллагаа нь хамгийн тогтвортой банк нь Хаан банк байна. ХХБ-ны хувьд Монгол банкнаас тогтоосон шалгуур 5 үзүүлэлтээ бүгдийг нь биелүүлж байна. Нийт хөрөнгийн хэмжээгээрээ 2-д, зээлийн багцийн чанар нь 91,3% байна.

аль банкны хадгаламжийн хүү өндөр вэ. хүүгээр арвижих нь ямар вэ

Та банкуудын хадгаламжийн хүүг харьцуулахыг хүсвэл http://www.mongo.mn/z/1240 хаягаар орж үзээрэй.

Гэхдээ таны хийх мөнгөн дүн, давтамж зэргээс хамаараад банкны бодогдох хүү өөрчлөгддөг. Хэрэв та бүх банкны хадгаламжийн хүүг бодуулахыг хүсвэл http://saving.mongo.mn/ хаягаар орж бодуулна уу.

Хадгаламжнаас юун татвар аваад байгааг хэлээд өгөөч

ХУВЬ ХҮНИЙ ОРЛОГЫН АЛБАН ТАТВАРЫН ТУХАЙ ХУУЛИЙН дагуу бүтэн жилийн хугацаанд хадгаламжийн хүүнээс олсон орлогын 10 хувийг татварт суутгах бөгөөд банк, санхүүгийн байгууллага албан татвар төлөгчийн мөнгөн хадгаламжид хүү бодох бүрдээ албан татвар ногдуулан суутгаж, тухай бүр холбогдох төсөвт шилжүүлнэ гэж заасан байгаа. Үүний дагуу татвар тооцон суутгагдаж байгаа.

Tanai sanal bolgoj bui 65 hurtelee hadgalamj uusgeh zuvlumj deer asuuhad urt hugatsaanii hadgalamj uusgeh ni her naidvartai ve? Yamar yamar ersdel baij boloh ve?

Бид энэ талаар дэлгэрэнгүй нийтлэл бичиж та бүхэнд хүргэх болно.

Аль банкны хадгаламжийн хүү өндөр вэ?

Та доорх хаягаар орж дэлгэрэнгүй мэдээлэл авна уу.

http://mongo.mn/z/1240

Хэрвээ сар бүр мөнгө нэмэгдэж ордог бол жилийн эцсээр нийт дүнгээс нь хүү бодогдохуу эсвэл сар бүрийн дансны үлдэгдэлээс нь бодогдоод жилийн эцэст ниитдээ нэмэгдээд ордог уу

Та ямар төрлийн хадгаламж сонгосоноос хамаарна. Хэрэв та сар бүр хүүгээ хуримтлуулдаг хадгаламж сонгосон бол хүү нь сар бүрдээ бодогдож орно. Гэрээний эцэст хүүгээ боддог хадгаламж сонгосон бол гэрээний эцэст бодогдож орно. Та http://saving.mongo.mn/ энэ тооцоолуурыг ашиглан бодож үзнэ үү. Бүх банкны хадгаламжийн хүүгээр тооцож өгөх болно

Хүүхдийн ирээдүйн саятан хадгаламжийн хүү нь хэд вэ?

Та mongo.mn сайтын "Хадгаламж" -> "Хүүхдийн хадгаламж" цэсээр орж Ирээдүйн саятан хүүхдийн хадгаламж болон бусад бүх банкны хүүхдийн хадгаламжийн хүүг харах боломжтой.

Сайн байна уу? Ямар банкны хvvхдийн хадгаламж хамгийн ендер хvvтэй бгаа вэ? Жилийн хэдэн хувь байгаа бол?

Та http://www.mongo.mn сайтын "Хадгаламж" -> "Хүүхдийн хадгаламж" цэсээр орж бүх банкны хүүхдийн хадгаламжийн хүүний мэдээллийг нэг дороос авна уу.

Сайн байна уу? Ямар банкны хадгалажмийн хүү хамгийн өндөр байна вэ? бодит хүү болон зарласан хүүгийн ялгаа юу вэ? хадгаламжийг бодит хүүгээр тооцдог уу зарласан хүүгээр тооцдог уу?

Та https://docs.google.com/forms/d/e/1FAIpQLSfiSxwEo6C7oAzFy7iZ9-_nxsK1DG87_8eEzsTAXDiUIfH_Dw/viewform энэ линкээр орж мэдээллээ бөглөвөл бид аль банк танд хэдэн төгрөгийн хүү бодож өгөхийг нарийвчлан тооцож өгөх болно. Гэхдээ бид 2 хүртэл жилийн хугацаагаар тооцож байгаа болно. Банк хүүгээ нэрлэсэн хүүгээрээ боддог бөгөөд хүү бодох арга зэргээсээ хамаараад бодит хүү нь өөр байх тохиолдол бий. Та шаардлагатай гэж үзвэл энд өгөгдсөн хаягаар орж мэдээллээ бөглөн биднээр тооцооллоо хийлгэнэ үү.

sn bnu 1 jiliin hugatsaatai hadgalamj neelgeed 1 hugatsaa ni bolvol dhd sunguulj boldiin bolov uu

Болно. Хадгаламжийн гэрээндээ үүнийг тусгаад, автоматаар сунгасан ч болно.

Таньд асуулт байна уу?