ӨРХИЙН САНХҮҮГИЙН СУРГАЛТ - Хүнээ дээдэлдэг байгууллага бүрт зориулав
Та орон сууцны зээл хөөцөлдөх талаар бодож байгаа ч юунаас эхлэхээ мэдэхгүй түрээсийн байранд амьдарсаар байна уу? Өөртөө эсвэл хүүхдэдээ хуримтлал үүсгэхийг хүсч байгаа ч аль банкинд, ямар нөхцөлөөр хадгалахаа мэдэхгүй цаг хугацаа алдсаар байна уу? Байртай, машинтай, хашаа байшинтай болмоор байвч олж буй орлогодоо нийцүүлэн энэ бүхнийг хэрхэн бий болгохоо мэдэхгүй байна уу?
Тэгвэл та наашаа анхаарлаа хандуулна уу.
Орон сууц, хашаа байшин сонирхож буй хүмүүсийн 70 хувь нь 25-45 насны залуучууд байна. Хадгаламж, хуримтлалын үйлчилгээ сонирхож буй хүмүүсийн 70 гаруй хувь нь 45-65 насны хүмүүс байна.
Бүр цааш нь ухаж судалбал орон сууц, хашаа байшин сонирхож буй хүмүүс банкуудын зээлийн нөхцөл, тавигдах шаардлага, бүрдүүлэх материал, зээлэнд хэрхэн бэлдэх, урьчдилгаа төлбөрөө хэрхэн цуглуулах, аль банкинд хандах, зээлийн сарын төлбөр хэд гарах, хэдэн төгрөгийн зээл авах боломжтой, зээлээ ямар нөхцөлөөр авбал өөрт ашигтай байх, нийт хэдэн төгрөгийн хүү төлөх, хамтран зээлдэгч заавал шаардах уу гэх мэт төрөл бүрийн мэдэхгүй асуулттай тулгардаг.
Харин хадгаламж хуримтлал хийх гэж буй хүмүүс аль банк өндөр хүүтэй вэ, аль банк найдвартай вэ, би хэдэн төгрөгийн хуримтлал үүсгэж чадах вэ, төгрөгөөр хадгалах уу, доллароор хадгалах уу, монголд хадгаламж хийх нь ашигтай юу, хадгаламжаас өөр ямар боломжит хувилбарууд байна вэ гэх зэрэг олон асуултыг мэдэхийг хичээдэг.
Эдгээр асуултанд хариулт авч чадаагүй тохиолдолд тухайн хүн өөрийн цаг хугацаа, боломжоо алдах, олсон орлогоо үр дүнгүй зарцуулах, улмаар санхүүгийн хувьд буруу шийдвэр гаргадаг болох, зарим тохиолдолд санхүүгийн хүндрэлд орох нь ч бий.
Танай байгууллагын ажилтнуудын хувьд ч гэсэн дээрх асуултууд толгойд нь эргэлдэж, хэрхэн өөрийн өмч хөрөнгөө нэмэх талаар бодол болсоор байж болох юм.
Тэгвэл та энэ бүхэнд хариу өгөх “ӨРХИЙН САНХҮҮГИЙН СУРГАЛТ”-ыг ажилтнууддаа санал болгоно уу.
Mongo.mn сайтын хамт олон бид байгууллага, хамт олны захиалгаар, тухайн байгууллагын ажлын байран дээр нь очиж доорх сэдвийн хүрээнд сургалт, зөвлөгөө, тооцоолол хийж өгөн, ажилтнуудтай чөлөөтэй ярилцаж, тэдэнд санхүүгийн мэдлэг олгон, санхүүгийн боломж бололцоог нээж өгч, санхүүгийн хувьд зөв шийдвэр гаргах ур чадварыг олгох сургалт хийж байна.
ӨРХИЙН САНХҮҮГИЙН СУРГАЛТЫН СЭДЭВ:
- Орон сууц, ипотекийн зээл
- Хүүхдийн хадгаламж, хуримтлал
- Хашаа байшингийн зээл
- Хувьцаа, бонд, бусад хөрөнгө оруулалт
- Орлогоо хэрхэн зарцуулах
- Өрхийн санхүүгийн төлөвлөгөө
Сургалтын хугацаа: 2 цаг 30 минут (асуулт, хариулт багтсан)
Хүний тоо: Нэг удаад 20-30 хүн
Сургалтын төлбөр: 450’000 төгрөг (нийт)
Mongo.mn сайтын хамт олон бид ард иргэдэд 12 жилийн турш санхүүгийн зөвлөгөө өгсөн туршлага дээрээ үндэслэн танай хамт олонд хэрэгтэй, ашигтай, сонирхолтой сургалт зөвлөгөөг өгөх болно.
Сургалтанд хамрагдсан ажилтнууд орлогоо хэрхэн зөв зарцуулах, санхүүгийн шийдвэрээ хэрхэн зөв гаргах, цалин орлогодоо багтаан дээрх хөрөнгүүдийг өөрийн болгох хамгийн ашигтай арга замыг мэдэж авах болно.
Байгууллагын удирдлага Та ч гэсэн ажилтнуудынхаа санхүүгийн мэдлэг боловсрол, санхүүгийн амьдралд нь хөрөнгө оруулалт хийж “ӨРХИЙН САНХҮҮГИЙН СУРГАЛТ”-ыг хамт олондоо бэлэг болгон барихыг уриалж байна.
Сургалтын талаар дэлгэрэнгүй мэдээлэл авах болон сургалт захиалахыг хүсвэл 8586-0555, 9978-8803 утсаар холбогдох эсвэл damdinjav@mongo.mn хаягаар мэйл бичнэ үү.
Сургалтын дэлгэрэнгүй хөтөлбөрийг энд дарж үзнэ үү.
Mongo.mn – БАЯЖИХТУН
