​Зээлээр байртай болсон түүх-5: Үл хөдлөх хөрөнгө борлуулсаны орлогын албан татварыг хэн төлөх ёстой вэ?

  • 2014 / 05 / 14

Үл хөдлөх борлуулсны орлогын албан татварыг хэн төлөх ёстой вэ?
Эхнэр бид 2 байрны зээл хөөцөлдөх банкаа сонгож, орлогоо яаж баталгаажуулдгийг сурч, өөрт оногдох зээлээ бие даан тооцож сурсан. Гэвч бас л сурч мэдэх зүйл дуусаагүй л байв.
Байрны зээл маань төвөггүй бүтэх шинжтэй болж, 5 хоногийн дараа 92,0 сая -127,0 сая төгрөгийн байрыг 5 хоногийн дараа мөнгийг нь өгч чадна гэсэн итгэлтэйгээр байраа хайж эхэллээ. Өөрт ноогдох зээлийн дүнгээ хэрхэн бие даан тооцохыг эндээс уншиж болно.
Маргааш өглөө нь байрны зарын дагуу ярьж, зарах байруудыг үзэж эхэллээ. Одоо нэгэнт төлж чадах мөнгө нь тодорхой, хэзээ өгөх хугацаа нь тодорхой тул байрны эзэнтэй үнэ хаялцаж, заримдаа үнэ буулгаж ч болж байв. Өмнө нь яагаад үнэ буулгаж болохгүй байсан тухай уншихыг хүсвэл энд дарна уу?

Байр үзэж байхад, бэлэглэлийн гэрээ байгуулвал байраа зарна гэсэн хүмүүс нилээд таарлаа. Зарим нь чамд би байраа 90,0 саяд өгнө, харин худалдах, худалдан авах гэрээгээ тал үнээр хийе гэсэн санал хэлж байв. Энэ болзлыг зөвшөөрвөл үнээ бага зэрэг татаж болно ч гэсэн хүн ч таарсан. Та хэрвээ байр авах гэж байгаа бол иймэрхүү саналыг сонсох лавтай буй за.
Харин банкны эдийн засагч надад урьдчилан дээрхитэй адил санал тавьбал огт зөвшөөрч болохгүй гээд, учрыг тайлбарласан байсан юм. Сийрүүлбэл:
“Худалдагч талын орон сууцны гэрчилгээг өөрийн нэр дээр шилжүүлэхийн тулд худалдагч тал үл хөдлөх хөрөнгө худалдан борлуулсны орлогоос татварын хуулийн дагуу буюу орон сууцыг худалдаж буй үнийн дүнгийн 2%-иар татварт төлнө. Үүнийг тооцоход таны худалдан авч байгаа байрны үнэлгээ 90,000,000 байхад 2% нь 1,800,000 төгрөг байна. Тэр төлсөн татварын үнийн дүнгээр та цалингийн орлоготой, нийгмийн даатгалтай учраас орон сууц худалдан авсныхаа төлөө эргүүлээд татварын хөнгөлөлт эдлэх боломжтой” гэж зөвлөсөн юм.
Би бэлэглэлийн гэрээ байгуулах, жинхэнэ үнээс бага дүнтэй гэрээ байгуулах саналыг зөвшөөрөөгүй тул зарим хүмүүсийн гаргадаг доорхи алдааг давтаагүй юм.

  • Бэлэглэлийн гэрээ байгуулснаас болж, банкны зээл бүтдэггүй. Үнэхээр л хүн чамд байр бэлэглэж байгаа бол дахин банкнаас байрны зээл авах ямар ч утгагүй болчихож байгаа юм
  • Худалдан авч байгаа үнээс бага дүнтэй гэрээ байгуулснаас болж, банкны зээл бага дүнтэй гэрээний дүнгээр олддог. Хүн 45,0 саяар байр авах гэж байхад Банк яасан гэж 90,0 саяын зээл өгөх вэ дээ.
  • Зарим хүмүүс мэдлэггүйгээсээ болж, үл хөдлөх хөрөнгө борлуулсны орлогын албан татвар буюу 90,000,000 байхад 2% нь 1,800,000-ыг тэнцүү хувааж төлөхөөр тохирч, 900,000 төгрөгөөр хохирдог

Алдаа гаргаагүйгээр үл барам улсаас 3,000,000 төгрөг буюу улсад төлсөн цалингийн татвар буцааж авах боломжтой байдгийг мэдсэн.
Ингээд бид хоёр 3,000,000 төгрөгөө буцааж авах тул 87,000,000 сая төгрөгөөр байртай болох зам шулуудлаа.
Явсан нохой яс зуудгийн үлгэрээр, өмнө таарсан уул, давааг давсаар сэтгэлд тохирсон байраа олж, 90,0 саяар худалдаж авах, мөнгөө 5 хоногийн дараа өгөхөөр тохирлоо. Байртай болох хугацаа ойртсоор л.
Маргааш өглөө нь байрны эзэнтэй хамт Банкны эдийн засагчтай уулзан цааш хэрхэх талаар асууж ярилцлаа. Одоо надад байрны гэрчилгээг өөрийн нэр дээр шилжүүлж, зээлийн гэрээгээ үл хөдлөхөөр батлуулаад, зээлээ авч, байрны эзэнд мөнгийг өгөх үлдлээ.
Байрны эзэнд мөнгийг өгөх хүртэл ямар зам туулсныг дараагийн нийтлэлээс сонирхоорой.

Зээлээр байртай болсон түүх-1: Тооцоолоогүй зардлууд

Зээлээр байртай болсон түүх-2: Зээл хөөцөлдөхөөс өмнө мэдүүштэй зүйлс

Зээлээр байртай болсон түүх-3: Зээлийн дүнгээ тооцож сурсан нь

Зээлээр байртай болсон түүх-4:Орлогоо баталгаажуулж сурсан нь -ийг уншина уу.

Санхүүгийн боловсролд

Асуулт, хариулт

Сайн байна уу. 5-н жилийн өмнө ипотекийн 8%-ийн зээлээр байр авсан.Одоо энэ байраа өөр байршилд сольж байрьцаагаа шилжүүлэн зээлээ төлж болох уу.

Болохгүй

sain bna uu bi tanidag huniihee 8huviin zeeliig urgeljluulj tolood avah gej baigaa ymaa ene tohioldold yah ystoi ve tsaashdaa urgeljluulj tolood ooriih bolgoj boloh bolvuu?

Та өөртөө болон нөгөө хүндээ маш эрсдэлтэй алхам хийх гэж байна. Банк энэ тохиолдолд огт оролцохгүй. Тэд байрыг барьцаалсан хэвээрээ, таныг төлбөрөө төлж дуусгах ёстой гэж шаардана. Хэрэв худалдан авах хүн нь банкны шалгуур хангаж байгаа бол банкнаас зээл хөөцөлдөөд тэр зээлээрээ таны байрыг худалдан аваад цаашид тухайн банктайгаа бие даан харилцаж явах нь зөв. Сүүлийн үед банкууд 8 хувийн зээл судалж эхэлсэн тул та ийм арга зам бодоорой. 

Сайн байна уу. Манай нөхөр 8%-ийн зээл авч 2 өрөө байр авсан. Одоо орон сууцны нөхцөлөө сайжруулах гээд ахиад би 8%-ийг зээл аваад 3 өрөө байр авч болох уу.

8 хувийн зээлийг нэг өрхөд нэг л олгож байгаа. Та одоо байгаа зээлийнхээ хамтран зээлдэгч нь бол дахин нэмж 8 хувийн зээл олгохгүй

Орон сууцны зээл