​Хүү, охиндоо зориулах таны "бэлэг"...​

  • 2014 / 04 / 10

Хүүхдийн хадгаламж нээхийн ач холбогдлыг эцэг эхчүүд эртнээс ойлгож хүүхдүүддээ багаас нь мөнгө хадгалах нь чухал юм. Та хүүхдээ сургуульд орох үеэс нь эхлэн зүгээр л цалингаасаа багаханыг эсвэл хүүхдийн 20,000₮-ийг сар болгон хадгалаад эхэлвэл таны хүүхэд их сургуульд ороход санаа зовох зүйлгүй хуримтлалтай болсон байна. Хүү, охиндоо зориулан одоо хадгалсан мөнгө ирээдүйд тэдний боловсролдоо хэрэглэх баталгаатай хөрөнгө болно.

Хүүхдийн хадгаламж нь бусад төрлийн хадгаламжуудаас давуу талтай.

  • • Хадгаламжийн хүү өндөр
  • • Хугацааны хувьд боломжийн

Банкны хугацаатай болон хугацаагүй хадгаламжуудаас илүү хүүхдийн хадгаламж хамгийн их харилцагчидтай байдаг. Бүх банкинд ойролцоогоор хүүхдийн хадгаламжийн хүү нь сарын 1.30% байгаа. Жишээлбэл: ХасБанкны хүүхдийн хадгаламжийг сонирхож үзлээ. Энэ жил сургуульд орж байгаа хүүхэддээ 100,000₮ хийж хадгаламж нээлгээд цаашид сар бүр хүүхдийн 20,000 төгрөгийг жилийн 13,5%-ийн хүүтэй хадгалуулвал 12 жилийн дараа сургуулиа төгсөхөд нь 7 сая гаруй төгрөг хүүхдэд ирэх юм байна.
Хүмүүс цалингаа авчихаад дараа нь хадгаламжинд хийнэ гээд үрээд дуусдаг байсан. Харин одоо бүх банк эцэг эхийнх нь цалингийн юмуу харилцах данснаас шууд хүүхдийнх нь хадгаламж руу мөнгө шилжүүлээд авдаг болчихсон. Энэ нь нэлээд үр өгөөжтэй арга юм. Та тогтсон хугацаанд хэдэн төгрөг хүүхдийнхээ хадгаламж руу шилжүүлэхээ банкинд мэдэгдсэн байхад л болно. Таны данснаас автоматаар мөнгө татагдаж, та заавал банкинд ирж дугаарлаж хүлээх хэрэггүй болжээ.

Санхүүгийн боловсролд

Асуулт, хариулт

dollariin hadgalamiiin talaar zuwluguu uguuch. Tugrugiin hadgalamjaas her ashigtai we

2020/08/05-ны байдлаар банкуудын дундаж хүүг судалж үзлээ. 1 жилийн хугацаатай төгрөгийн хадгаламжийн хүү дунджаар жилийн 12.86 хувь байна. Харин долларын хадгаламжийн жилийн хүү дунджаар 4.47% байна. Зөрүү нь жилийн 8.4%. Хэрэв цаашид долларын төгрөгтэй харьцах ханш жилийн хугацаанд 8.4 хувиас илүүтэй өсвөл танд долларын хадгаламж ашигтай. Үүнээс бага хувиар өсвөл танд төгрөгийн хадгаламж ашигтай. Харин долларын ханш ирэх 1 жилийн хугацаанд хэдэн хувиар өсч, буурахыг одоогоор зөвлөж, мэдээлж байгаа газар байхгүй байна. Өнгөрсөн хугацаанд ямар байсныг бид 10 жилийн дунджаар судалж үзсэн бөгөөд 5 жилд нь төгрөгийн хадгаламж илүү өгөөжтэй, 5 жилд нь долларын хадгаламж илүү өгөөжтэй байсан. Танд өгөх үүнээс илүү зөвлөгөө мэдээлэл бидэнд алга. Та бидний бэлтгэсэн "Доллар, төгрөгийн хадгаламжийн аль нь ашигтай вэ" гэдэг нийтлэлийг http://www.mongo.mn/c/218 хаягаар орж уншина уу.

52 weeks savingnii talaar. Week aldahgui togtmol orlogo hiih hadgalamj. Uuriin buruugaas bolood orlogo hiigeegui bol togtooson huun deer nemeed uramshuullaa avahgui hadgalamj. Hamgiin gol ni 52 weeks d banknii uil ajillagaa dogoldood haagdval uramshuullaa avahuu? Ene talaar gereen deer tusgagdaagui bolohoor avahgui baih magadlal undur gesen ug uu?

Сайн байна уу? Таны асуулт хадгаламжийн даатгалтай холбоотой асуулт байна. 20 сая төгрөгөөс доош дүнтэй бүх хадгаламжийг Хадгаламжийн Даатгалын Корпораци даатгасан байдаг. Хэрэв таны үйлчлүүлж буй банк 52 долоо хоногт буюу жилийн дотор үйл ажиллагаа нь доголдвол 20 сая хүртэл дүнтэй таны хадгаламж болон хүү нь даатгагдсан байгаа. Иймд таны хадгалуулсан мөнгө болон хүү нь 20 саяас бага дүнтэй бол та эрсдэлд учрахгүй, даатгалаас мөнгөө авна гэсэн үг. Хэрэв 20 саяас өндөр дүнтэй бол 20 сая хүртэлх дүнг даатгалаас нөхөн төлнө. 

Engiin hugatsaatai hadgalamj neelgeed sar bur uur uur orlogo hiij boloh uu?

Болно. Гэхдээ орлого авдаг хадгаламжийг нь нээлгээрэй.

Хадгаламж