Асуулт, Хариулт

Сайн байна уу. Таны цалингийн орлогыг банк нийгмийн даатгал төлж байгаа хэмжээгээр нь баталгаажуулж тооцдог. Тиймээс та өөрийн зээл авах хэмжээгээ дараах зааврын дагуу өөрөө тооцож үзнэ үү. Таны нийгмийн даатгалын дэвтэр бичигдэж буй 1 сарын цалингийн орлого дээр нөхрийнхөө 1 сарын цалинг нэмээд, гарсан дүнгийн 45% нь таны сард орон сууцны зээлэнд төлөх боломжтой төлбөрийн хэмжээ болно. Уг дүнгээ манай сайтын дараах линкээр орж http://www.mongo.mn/calculator/loan2 “Сар бүр төлж чадах зээлийн дүн” хэсэгт оруулна уу. Зээлийн хүү хэсэгт сарын хүүг 0,6666 гэсэн тоог оруулан тооцож үзнэ үү.

Сайн байна уу. Та Хасбанк болон Төрийн банкны аль нэгээр цалингаа картаар авдаг, одоо ажиллаж байгаа ажилаа 6 сар тасралтгүй ажиллаж байгаа тохиолдолд таны хүсч буй зээл гарах боломжтой. Бусад тохиолдолд зээлийн хэмжээ бага тооцогдоно.

Сайн байна уу. Одоогоор барьцаагүйгээр зээл олгодог банк тун ховор. Зорим банкууд заавал үл хөдлөх хөрөнгө шаардагүйгээр таны бизнесийн тоног төхөөрөмж болон гэрийн тавилга эд хогшилыг барьцаалж бичил бизнесийн зээл олгодог. /Жишээ нь: Төрийн банк Хасбанкуудад ийм төрлийн зээл байдаг / Эдгээр хөрөнгөнүүдээ барьцаалан зээл авахад таны барьцаа хөрөнгө хангалтгүй бол та өөрийн ах дүү хамаатан садангаараа зээлийн барьцаанд ямар нэг хөрөнгө барьцаалж зээлд хамрагдах боломжтой болно. Эсвэл нөхөр тань цалингийн зээл авах шаардлага хангасан тохиолдолд цалингийн зээл авч болох юм. Цалингийн зээлд ямар нэг барьцаа шаардлагагүй.

Сайн байна уу. Нэгэнт Банк таны хамтран зээлдэгчийг заавал орлоготой байх шаардлага тавьж байгаа бол дагахаас өөр арга үгүй.Энэ тохиолдолд та өөрийн төрсөн ах дүү нараасаа хэн нэгнийг өөрийн хамтран зээлдэгчээр оруулах эсвэл гэр бүлээ ажилдаа ортол хүлээх болох нь байна

Сайн байна уу. Банкуудын цалингийн зээлийн шаардлагаас хамгийн боломжийн нөхцөл нь сүүлийн 6 сар тасралтгүй ажилласан байх шаардлагатай. Ажиллаж байх хугацаандаа завсардсан тохиолдолд банкууд цалингийн зээлийг авах боломж бага болно. Та банкуудын цалингийн зээлдээ тавьж буй шаардлагуудыг http://www.mongo.mn/z/1229 энэ линкээр орж үзнэ үү.

Сайн байна уу. Орон сууцны 8 хувийн зээлд танай гэр бүл хамрагдсан тул дахин 8%-ийн орон сууцны зээл авах боломжгүй.

Сайн байна уу. Та зээлийн хуваарийн дагуу зээл төлж явсаар сүүлийн сард 4 хоног хэтрүүлэн төлсөн бол таны зээлийн ангилал “Хэвийн зээл” гэдгээр бүртгэгдэх болно. Харин өмнөх саруудын төлбөрийг төлөхгүй явж байгаад таны зээл чанаргүй зээлд ангилагдчихсан нөхцөлд та зээлээ хаасан бол “Хугацаа хэтэрсэн зээл” гэсэн ангилалд бүртгэгдэнэ. Хэрэв сүүлийн хувилбар байсан бол зээлийн үлдэгдлээ бага үлдээж дараа сард төлж дуусгах нь таньд ашигтай байсан. Ингэсэн тохиолдолд хугацаа хэтэрсэн биш хэвийн ангилалд бүртгэгдэж болох байсан. Банкууд сард төлөх төлбөрөө тухайн сард багтаан төлөхгүй бол ангилал шилжүүлж бүртгэдэг. Та энэ талаар дэлгэрэнгүй мэдээлэл авахыг хүсвэл http://mongo.mn/c/314 нийтлэлийг уншина уу.

Сайн байна уу. Юуны түрүүнд танай гэр бүл хувьцаагаа аль брокер диллерийн компанид бүртгэлтэй байгаагаа мэдэх шаардлагатай. Түүнийгээ мэдэж байвал уг брокер диллерийн компаниас хувьцаа эзэмшигч гэдгээ баталгаажуулж авна. Хувьцааны бүртгэл хийгдсэнийг, хувьцаатай гэдгээ иргэд ҮЦТТТХТ-ийн https://net.schcd.mn/registration/ цахим хуудсаар орж “Эрдэнэс Таван толгой” ХК-ийн хувьцааны бүртгэл хэсэгт иргэн өөрийн регистрийн дугаарыг монгол үсгийн фондоор, томоор бичиж оруулснаар шалгах боломжтой юм. Эндээс та хувьцааны данстай байвал уг брокер диллерийн компанид хандах хэрэгтэй. Уг брокер диллерийн компаниас хувьцааны үнэ ханш, ноогдол ашиг гэх бусад мэдээлэлүүдийг авч болно. “Үнэт цаасны төлбөр тооцоо, төвлөрсөн хадгаламжийн төв”-ийн Олон нийттэй харилцах албанаас мэдээлэл авч болно. Утас: 70120460

Сайн байна уу. Таны барьцаанд тавих байрыг зээл авах банк тань үнэлэх бөгөөд үнэлгээ нь урьдчилгаа төлбөрт дүйцэх шаардлагатай. Үүнийг тодруулбал Та 80 сая төгрөгийн үнэтэй байр худалдан авах гэж байгаа гэж бодъё. Тэгвэл барьцаанд тавих байрны үнэлгээ нь зээлээр худалдан авах байрны үнийн дүнгийн 30%-иас /80 сая* 30%=24 сая/ багагүй үнэлэгдэх ёстой. Та урьдчилан ямар нэг үнэлгээний компаниар үнэлүүлж илүүц зардал гаргах шаардлагагүй. Мөн барьцаанд тавих байр таны өмчлөлийн байх шаардлагатай. Заавал тэдэн өрөө байр байх шаардлагатай гэсэн юм бол байхгүй.

Сайн байна уу. Ер нь бол болно. Гэхдээ нэг асуудал байна. Таны авах гэж буй орон сууц байгаа орон нутагт салбар нэгж нь үйл ажиллагаа явуулдаг банкаас зээл хөөцөлдөх боломжтой.