Асуулт, Хариулт

Сайн байна уу. Та зээлийн хуваарийн дагуу зээл төлж явсаар сүүлийн сард 4 хоног хэтрүүлэн төлсөн бол таны зээлийн ангилал “Хэвийн зээл” гэдгээр бүртгэгдэх болно. Харин өмнөх саруудын төлбөрийг төлөхгүй явж байгаад таны зээл чанаргүй зээлд ангилагдчихсан нөхцөлд та зээлээ хаасан бол “Хугацаа хэтэрсэн зээл” гэсэн ангилалд бүртгэгдэнэ. Хэрэв сүүлийн хувилбар байсан бол зээлийн үлдэгдлээ бага үлдээж дараа сард төлж дуусгах нь таньд ашигтай байсан. Ингэсэн тохиолдолд хугацаа хэтэрсэн биш хэвийн ангилалд бүртгэгдэж болох байсан. Банкууд сард төлөх төлбөрөө тухайн сард багтаан төлөхгүй бол ангилал шилжүүлж бүртгэдэг. Та энэ талаар дэлгэрэнгүй мэдээлэл авахыг хүсвэл http://mongo.mn/c/314 нийтлэлийг уншина уу.

Сайн байна уу? Тохирсон хуваарийнхаа дагуу зээлээ төлөхийг банк танаас шаардах болно. Мэдээж дараа тухайн банкнаасаа нүүр бардам дахин зээл авахад энэ тань дэм болно. Үнэхээр төлж чадахгүй бол хүүгээ төлчихөөд, сар дуусахаас өмнө үндсэн зээлээ тухайн үед бодогдсон хүүтэй нь төлөхийг хичээх хэрэгтэй. Банкууд тэр үеээр тайлангаа гаргаж, зээлүүдээ ангилдаг тул түүнээс өмнө төлчихвөл танд ч, тухайн банкиндаа ч хэрэгтэй. Хэрэв сардаа үнэхээр амжихгүй бол юуны өмнө зээлийн ажилтантайгаа уулзаж учир байдлаа сайн тайлбарлаад дараа сардаа тохирсон хугацаандаа төлөх нь зүйтэй. Тэгээд түүнээс цааш та зээлээ хэвийн төлөөд байвал Монгол банкны мэдээллийн санд таны зээл хугацаа хэтэрсэн гэдгээр биш буцаж хэвийн гэдэг ангилалд бүртгэгдэх болно. Хэрэв таны зээл төлөх чадвар эрс муудсан дараа сардаа ч төлж чадахааргүй болсон бол банкны зээлийн ажилтантайгаа уулзаад шууд зээлийн нөхцөлөө өөрчлүүлж хугацаагаа сунгуулах хүсэлтийг гаргаарай. Өмнө нь ингэж хугацаа сунгуулахад Монгол банкны мэдээллийн санд таны зээлийн чанарыг нэг шат бууруулан бүртгэдэг байсан бол 2014 оны 8 сард Монгол банк журмандаа өөрчлөлт оруулсан. Хэрэв та анх удаагаа зээлийн хугацаагаа сунгуулах хүсэлт гаргаж байгаа бол таны зээлийн ангиллыг нэг шат буурулахгүй бөгөөд харин дахин сунгах бол ангиллыг нэг шат бууруулахаар болгож өөрчилсөн. Та энэ талаар дэлгэрэнгүйг http://mongo.mn/c/314 эндээс уншина уу.

Сайн байна уу. Та Хасбанк болон Төрийн банкны аль нэгээр цалингаа картаар авдаг, одоо ажиллаж байгаа ажилаа 6 сар тасралтгүй ажиллаж байгаа тохиолдолд таны хүсч буй зээл гарах боломжтой. Бусад тохиолдолд зээлийн хэмжээ бага тооцогдоно.

Сайн байна уу. Ихэнх банкууд зээлээ бүрэн төлж дуусаагүй ч нэмж зээл авахыг зөвшөөрдөг. Гэхдээ зарим банкууд зээлийн тодорхой хувийг жишээ нь 50%-ийг төлсний дараа дараагийн зээл олгоно гэх мэт шаардлагуудыг тавьдаг. Тиймээс та зээл авсан банкныхаа салбарын зээлийн ажилтанаас асууж тодруулна уу. Сард төлөх төлбөр нь тухайн зээлийн хүү болон зээлийн эргэн төлөлтийн хуваарийг хэрхэн зохиодогоос хамаарч өөр өөр гардаг. Жишээ нь 1,9% хүүтэй24 сарын хугацаатай цалингийн зээл авах тохиолдолд сард хэдийг төлөхийг эргэн төлөлтийн 2 хувилбараар харуулья. - Үндсэн төлбөр болон хүү нь нийлээд сар бүр тэнцүү төлөх тохиолдолд сард 522,741 төгрөг төлнө. - Сар бүрийн үндсэн төлбөр нь тэнцүү зээлийн үлдэгдлээс нь хамаарч хүү нь буурах тохиолдолд эхний сард 606,667 төгрөг байх бөгөөд, буурсаар сүүлийн сард 424,583 төгрөг төлөх болно.

Сайн байна уу. Та банкуудаас цалингийн зээл авах эсвэл үүнтэй төстэй зээл олгодог ББСБ-уудаас хэрэглээний зээл авах боломжтой. Аль банкууд ямар зээл олгож байгааг мэдэхийг хүсвэл та манай "ХЭРЭГЛЭЭНИЙ ЗЭЭЛ" гэсэн цэсээр орж мэдээлэл авна уу

Банкуудын тавьдаг шалгуурын дагуу та сүүлийн 6 сар тасралтгүй тухайн байгууллагадаа ажилласан байх ёстой.

Сайн байна уу. Банкуудын цалингийн зээлийн шаардлагаас хамгийн боломжийн нөхцөл нь сүүлийн 6 сар тасралтгүй ажилласан байх шаардлагатай. Ажиллаж байх хугацаандаа завсардсан тохиолдолд банкууд цалингийн зээлийг авах боломж бага болно. Та банкуудын цалингийн зээлдээ тавьж буй шаардлагуудыг http://www.mongo.mn/z/1229 энэ линкээр орж үзнэ үү.

Зээлээ хааж байгаад дахин зээл авах эсвэл зээлээ нэмэгдүүлж авах хоёр боломж байдаг. Зээлээ хаагаад дахин зээл авах нь эрсдэлтэй, мөн дээрээс нь зардал их гардаг тул та урьдчилан зээлийн мэргэжилтэнтэйгээ уулзаж, зээлээ хаасан тохиолдолд хүссэн зээл нь хэдэн өдрийн дотор гарах боломжтойг асууж тодруулах хэрэгтэй. Хэрэв та одоогийн зээлээ хэвийн ашиглаж байсан бөгөөд зээлийн мэргэжилтэн тань зээлээ хаагаад дахиад авах боломжтой гэж хэлбэл та энэ замыг сонгож болох юм. Гэхдээ зээлээ хаагаагүй ч нэмж зээл авах талаар зээлийн мэргэжилтэнтэйгээ ярилцах хэрэгтэй. Бид өмнө нь тантай адил асуудалтай хүний асуултанд хариулахаар банкууд руу хандан “цалингийн зээлтэй хүн нэмж зээл авч болох уу гэж асуухад” (1) ХасБанк “Болно. Зээлийн мэргэжилтэн тань шийднэ” (2) Хаан банк “Салбартаа хандаад нэмэлт зээл авч болно” (3) ХХБ “Боломжтой. Гэхдээ зээлийн эдийн засагчтай уулзаж тодруулахыг зөвлөв” (4) Төрийн банк “Салбарын харилцааны менежерээс асуухыг зөвлөв” (5) Голомт банк “Боломжтой. Авсан зээлийнхээ 20 хувийг төлсөн бол нэмж авч болно” гэж тус тус хариулав. Ер нь бол банкууд боломжтой гэж хариулсан. Тэгэхээр та өөр давхар зээл хөөцөлдөж байхаар шууд энэ замыг эхлээд судлах нь зөв. Банкууд таны 2 зүйлийг харна. Нэгд одоогийн зээлээ хэвийн төлж байсан эсэх, мөн зээлээ аваад хэр удсан, хэдэн хувийг нь төлсөн гэдгийг хардаг юм байна. Танд амжилт хүсье.

Танай байгууллага банктай цалингийн зээлийн гэрээ байгуулаагүй ч гэсэн Та цалингийн орлоготой болохоо нотолж чадаж байвал банкуудын нэрлэдгээр "Өрхийн хэрэглээний зээл" авах боломжтой. Цалингийн орлоготой ч цалингийн зээлийн гэрээгүй хүмүүст олгодог зээл юм. Харин үүнийг авахын тулд барьцаа хөрөнгө шаардах болно. Дэлгэрэнгүйг та http://www.mongo.mn/c/198 нийтлэлээс уншина уу.

Хэд хэдэн банк руу холбогдож дараах асуултыг тавилаа. “Би цалингийн зээлээр 6 сая төгрөг авсан. Одоо 1 сая үлдсэн. Нэмж зээл авч болох уу?” гэж асуухад. (1) ХасБанк “Болно. Зээлийн мэргэжилтэн тань шийднэ” (2) Хаан банк “Салбартаа хандаад нэмэлт зээл авч болно” (3) ХХБ “Боломжтой. Гэхдээ зээлийн эдийн засагчтай уулзаж тодруулахыг зөвлөв” (4) Төрийн банк “Салбарын харилцааны менежерээс асуухыг зөвлөв” (5) Голомт банк “Боломжтой. Авсан зээлийнхээ 20 хувийг төлсөн бол нэмж авч болно” гэж тус тус хариулав. Ер нь бол банкууд боломжтой гэж хариулж байна.