Асуулт, Хариулт

Сайн байна уу? Ипотекийн 8%-ийн орон сууцны зээлийн журамд хувийн байгууллага эсвэл төрийн байгууллагад ажилладаг байх ёстой гэсэн шаардлага байхгүй тул та 2 бусад шаардлагуудыг хангаж байгаа үед уг зээлд хамрагдах бүрэн боломжтой. Орон сууцны ипотекийн зээлийн ерөнхий нөхцөл, шалгуур үзүүлэлтийг дараах линкээр бүрэн эхээр нь танилцана уу? http://www.mongo.mn/c/92

Сайн байна уу. Орон сууцны ипотекийн зээлийн шалгуурт худалдан авч буй байрны м2-ыг 80м2-аас дээшгүй буюу түүнээс бага байхаар заагдсан байдаг. Тиймээс таны тохиолдолд уг байрыг 8%-ийн орон сууцны зээлээр авах боломжгүй. Орон сууцны ипотекийн зээлийн ерөнхий нөхцөл, шалгуур үзүүлэлтийг дараах линкээр бүрэн эхээр нь танилцана уу? http://www.mongo.mn/c/92

Сайн байна уу? Та өөрийн бүрдүүлсэн урьдчилгаа төлбөрөө банкны дансанд байршуулж байсан бол дансны хуулгаар хэрхэн бүрдүүлснээ нотолж болно. Хэрэв эцэг эх тань танд өгсөн мөнгөө бэлнээр өгсөн бол түүний хэрхэн хаанаас бий болгосон талаар мэдээлэл чухал. Үүнд: Эцэг эхийн тань дансны хуулгаар нотолж болно, эсвэл тэтгэвэрийн зээлээр бүрдүүлсэн бол түүний гэрээ болон зээл олгосон баримт зэрэг нь банкинд урьдчилгаагаа төлбөрөө нотлоход таньд хэрэг болно.

Сайн байна уу? Ипотекийн зээлийн журамд өрхийн орлогыг тухайн өрхийн сард олж буй нийт орлогыг ойлгох бөгөөд татвар, нийгмийн даатгалын шимтгэлийг төлөхийн өмнөх дүн гэж ойлгоно уу. Жишээ нь: Таны сарын цалин 1,000,000₮ бол та гар дээр нийгмийн даатгалын шимтгэл 10% буюу 100,000₮-ийн шимтгэл төлнө, дараагаар нь таны цалингаас нийгмийн датгалын шимтгэлийг хассан дүнгээс Хүн амын орлогын албан татварт 10% төлнө. Энэ нь 910,000₮-өөс 91,000₮-ийн татвар тооцогдож, 7,000₮ татварын хөнгөлтийг нэмсэнээр татварт 84,000₮ийг хүн амын орлогын албан татварт төлнө. Таны цэвэр цалин 826,000₮ болж үлдэнэ. Гэхдээ ипотекийн 8% зээлийн журмаар бол таны өрхийн орлогод 826,000₮ биш, 1,000,000₮-ийн цалин тань өрхийн орлогод орж тооцогдоно гэсэн үг.

Сайн байна уу. Уг байрыг урьдчилгаа төлбөрт барьцаалж болно. Гэхдээ анхаарах асуудлууд таньд байна.Зээлээр худалдан авах байрны үнэд тохирсон хэмжээний зээлийг авахад танай өрхийн сарын орлогын 45%-иас хэтрүүлэхгүйгээр сар бүр төлөх төлбөрт хүрэлцэхүйц байх шаардлагатай. Хэрвээ хүрэлцэхгүй байгаа тохиолдолд уг зээлийг авах боломж бүрдэхгүй.

1. Хамтран зээлдэгч нь тухайн зээл хүсэгчийн өөрийн гэр бүлийн хүн байх боломжтой. Өөрөөр хэлбэл тухайн өрхийн гишүүн байх шаардлагатай байдаг. Дэлгэрэнгүйг дараах линкээс үзнэ үү. http://mongo.mn/c/207 2. Хамтран зээлдэгч нь сайн дурын даатгал төлдөг бол өрхийн орлогод нь тухайн хүний нийгмийн даатгал дээр нь үндэслэн цалинг оруулж тооцохгүй. Иймээс бусад орлогыг зайлшгүй баталгаажуулахыг шаардана. Дэлгэрэнгүйг http://mongo.mn/c/263 эндээс уншина уу.

Та болон таны гэр бүл одоогийн зээлээ хаахгүй бол хүссэн хэмжээний орон сууцны зээлийг авахад таны гэр бүлийн өрхийн орлого хүрэлцэхгүй байх талтай. Танай өрхийн сарын орлого 2,1 сая төгрөг бөгөөд үүнээс 45%-д нь зээлтэй байж болно гэж үзвэл 945 мянган төгрөг байна. Үүний 800 мянган төгрөгийг цалингийн зээлд төлдөг гэвэл сард ердөө 145 мянган төгрөг л орон сууцны зээлэнд төлөх боломжтой. Энэ тохиолдолд маш бага хэмжээний зээл авах болно. Энэ байр худалдан авах боломж үүсэхгүй. Тиймээс одоогийн зээлүүдээ хаагаад тухай орон нутагт байх 8%-ийн орон сууцны зээл олгож байгаа банкны салбарт хандаж зээлийн хүсэлтээ гаргаж болно.

Сайн байна уу? Та өөрийн өрхийн амжиргааны аль түвшинд байгаагаа дараах байдлаар мэдэх боломжтой. 1. Хөгжлийн банкны баталгаа гаргуулах хүсэлтэй иргэн харьяалах аймаг, дүүргийн нийгмийн халамж, үйлчилгээний байгууллагад хандаж, “Өрхийн мэдээллийн нэгдсэн сан”-гаас тодорхойлолт авсан байна. 2. Иргэн “Өрхийн мэдээллийн нэгдсэн сан”-д бүртгэгдээгүй, эсхүл амьжиргааны түвшний үнэлгээ хийлгэсэн боловч тухайн үнэлгээний үр дүнг хүлээн зөвшөөрөөгүй бол уг асуудлыг шийдвэрлүүлэх хүсэлтийг харьяалах аймаг, дүүргийн нийгмийн халамж, үйлчилгээний байгууллагад батлагдсан маягтын дагуу өргөдөл гаргаж шийдвэрлүүлнэ.

Сайн байна уу? Өрхийн амьжиргааны түвшинг тодорхойлох аргачлалын дагуу тогтоож, амьжиргааны түвшингээр нь эрэмбэлсэн өрх, хүн амын талаарх мэдээллийг хэлж байгаа. 10%-ийн урьдчилгаатай ипотекийн зээлийн журмын дагуу 20 хувийн батлан даалт гаргуулах хүсэлтэй иргэд дараах шаардлагыг хангасан байх ёстой. Хүн амын хөгжил, нийгмийн хамгааллын сайд болон Үндэсний Статистикийн хорооны даргын хамтарсан тушаалаар баталсан аргачлал -ын дагуу амьжиргааны түвшингээ үнэлүүлсэн, “Өрхийн мэдээллийн нэгдсэн сан”-гийн ҮII-XҮ бүлгийн иргэн байх. Хөгжлийн банкны баталгаа гаргуулах хүсэлтэй иргэн харьяалах аймаг, дүүргийн нийгмийн халамж, үйлчилгээний байгууллагад хандаж, “Өрхийн мэдээллийн нэгдсэн сан”-гаас тодорхойлолт авсан байна. Хэрвээ танай өрх Иргэн “Өрхийн мэдээллийн нэгдсэн сан”-д бүртгэгдээгүй, эсхүл амьжиргааны түвшний үнэлгээ хийлгэсэн боловч тухайн үнэлгээний үр дүнг хүлээн зөвшөөрөөгүй бол уг асуудлыг шийдвэрлүүлэх хүсэлтийг харьяалах аймаг, дүүргийн нийгмийн халамж, үйлчилгээний байгууллагад батлагдсан маягтын дагуу өргөдөл гаргаж шийдвэрлүүлнэ.

Сайн байна уу. 1,3 сая төгрөгийн өрхийн орлоготой бол ойролцоогоо 69,937,179 төгрөгийн зээл авах боломжтой. Тиймээс 90,0 сая төгрөгийн зээл авахын тулд 1. Өрхийн орлогоо нэмж баталгаажуулах, 2. Урьдчилгаа төлбөрт 21,0 сая төгрөг бүрдүүлэх шаардлагатай