Асуулт, Хариулт

Сайн байна уу. Танай өрхийн орлого 2,050,000 төгрөг байх бөгөөд үүний 45% хувь нь 922,500 төгрөг болох тул Орон сууцны зээл авах боломжтой юм байна. Учир нь урьдчилгаа 30%-иа хасахаар 73,220,700 төгрөгийн зээл авах шаардлагатай болно. Үүнийг 8%-иар 20 жилийн хугацаатай авбал сард 612,447 төгрөг сар бүр төлөх ёстой болно. Таны сард зээлэнд дээд тал нь 922,500 төгрөг төлж болох бөгөөд үүнээс орон сууцны зээлэнд төлөх 612,447 төгрөгийг хасахад цаана нь 310,053 төгрөг үлдэнэ. Энэ дүнгээс таны автомашины зээлийн төлбөр хэтрэхгүй байгаа тохиолдолд машины лизингийнхээ зэрэгцээ орон сууцны зээлэнд давхар хамрагдах боломжтой. Хамтран зээлдэгчийн хувьд таны эхнэр жирэмсний амралтнаасаа ажилдаа эргэн орсон бол шаардлагыг хангах үндэслэлтэй.

Сайн байна уу. Таны цалингийн орлогыг банк нийгмийн даатгал төлж байгаа хэмжээгээр нь баталгаажуулж тооцдог. Тиймээс та өөрийн зээл авах хэмжээгээ дараах зааврын дагуу өөрөө тооцож үзнэ үү. Таны нийгмийн даатгалын дэвтэр бичигдэж буй 1 сарын цалингийн орлого дээр нөхрийнхөө 1 сарын цалинг нэмээд, гарсан дүнгийн 45% нь таны сард орон сууцны зээлэнд төлөх боломжтой төлбөрийн хэмжээ болно. Уг дүнгээ манай сайтын дараах линкээр орж http://www.mongo.mn/calculator/loan2 “Сар бүр төлж чадах зээлийн дүн” хэсэгт оруулна уу. Зээлийн хүү хэсэгт сарын хүүг 0,6666 гэсэн тоог оруулан тооцож үзнэ үү.

Сайн байна уу. Нэгэнт Банк таны хамтран зээлдэгчийг заавал орлоготой байх шаардлага тавьж байгаа бол дагахаас өөр арга үгүй.Энэ тохиолдолд та өөрийн төрсөн ах дүү нараасаа хэн нэгнийг өөрийн хамтран зээлдэгчээр оруулах эсвэл гэр бүлээ ажилдаа ортол хүлээх болох нь байна

Сайн байна уу. Орон сууцны 8 хувийн зээлд танай гэр бүл хамрагдсан тул дахин 8%-ийн орон сууцны зээл авах боломжгүй.

Сайн байна уу. Таны барьцаанд тавих байрыг зээл авах банк тань үнэлэх бөгөөд үнэлгээ нь урьдчилгаа төлбөрт дүйцэх шаардлагатай. Үүнийг тодруулбал Та 80 сая төгрөгийн үнэтэй байр худалдан авах гэж байгаа гэж бодъё. Тэгвэл барьцаанд тавих байрны үнэлгээ нь зээлээр худалдан авах байрны үнийн дүнгийн 30%-иас /80 сая* 30%=24 сая/ багагүй үнэлэгдэх ёстой. Та урьдчилан ямар нэг үнэлгээний компаниар үнэлүүлж илүүц зардал гаргах шаардлагагүй. Мөн барьцаанд тавих байр таны өмчлөлийн байх шаардлагатай. Заавал тэдэн өрөө байр байх шаардлагатай гэсэн юм бол байхгүй.

Сайн байна уу. Ер нь бол болно. Гэхдээ нэг асуудал байна. Таны авах гэж буй орон сууц байгаа орон нутагт салбар нэгж нь үйл ажиллагаа явуулдаг банкаас зээл хөөцөлдөх боломжтой.

Сайн байна уу. Орон сууцны зээл нь удаан хугацааны зээл байдаг. Тиймээс ихэнх банкууд зайлшгүй хамтран зээлдэгчтэйгээр олгоод байгаа. Дэлгэрэнгүй мэдээлэлийг http://mongo.mn/c/207 , http://mongo.mn/c/135 холбоосуудаар орж авна уу.

Сайн байна уу. Таны тохиолдолд танай өрхийн орлогыг зөвхөн гэр бүлийн хүний орлогоор тооцох болоод байна. Та өөрийнхөө орлогыг оруулж тооцуулахыг хүсвэл одоогийн байгууллагаасаа авдаг цалингаасаа нийгмийн даатгалын шимтгэл төлж цалингаа картаар авах хэрэгтэй. Ингэсэн тохиолдолд банк та хоёрын орлогыг нийлүүлэн танай өрхийн орлогыг тооцох болно. Ингэсэн ч гэсэн орлого хүрэхгүй байвал урьдчилгаа төлбөрөө нэмэгдүүлэх, эсвэл хүүхдээ ажилд орохыг хүлээхээс өөр аргагүй болно. Таны асуултанд хэрэг болох хариулт өгсөн болов уу гэж бодож байна. Та хэдэн төгрөгийн зээл авах боломжтойгоо мэдэхийг хүсвэл “Би зээл авах боломжтой юу” гэдгийг товчийг дарж мэдээллээ илгээнэ үү.

Сайн байна уу. 1) 8%-ийн орон сууцны зээлийн урьдчилгаа төлбөр 10% болгох шийдвэр гарсан боловч одоогоор уг зээлийг арилжааны банкууд олгож эхлээгүй байгаа. Уг зээлийн 20%-д батлан даалт гаргах журмын дагуу хамтран ажиллах талууд гэрээ байгуулах ёстой боловч гэрээгээ байгуулаагүй байна. 2) Та урьдчилгааныхаа оронд өөрийн өмчлөлд байх ипотекийн зээлийн журмын шаардлага хангахуйц орон сууц барьцаалах шаардлагатай. Тухайн орон сууцыг банк өөрийн жишиг үнэлгээгээр үнэлж, түүнийхээ тодорхой хувьд тооцон барьцаанд авах бөгөөд энэ үнэ нь таны нэмж бүрдүүлэх шаардлагатай урьдчилгаанаас давж байх шаардлагатай. Газар барьцаалах боломжгүй.

Сайн байна уу? Танай гэр бүл байр авах үедээ урьдчилгааныхаа 30%-ийг төлсөн бол одоо 8%-ийн орон сууцны зээлэнд шилжих боломжтой гэсэн үг. Тиймээс та өөрийн зээл авсан банкинд зээлээ шилжүүлэх хүсэлт гаргана уу.